प्र.स.नि. आधारभूत तालिम २-१७५ औ समूहको दीक्षान्त कार्यक्रमको शुभ अवसरमा माननीय गृह मन्त्री श्री राम बहादुर थापाज्यूमा संगठन प्रमूख प्रहरी महानिरीक्षक ...
प्र.स.नि. आधारभूत तालिम २-१७५ औ समूहको दीक्षान्त कार्यक्रममा माननिय गृहमन्त्री श्री राम बहादुर थापाज्यूबाट निरीक्षण गर्नु हुदै ।
नव निर्देशक प्र.ना.म.नि. हरिभक्त प्रजापतिज्यु मा स्वगत गर्नु हुदै प्र.व.उ. बुद्धिराज गुरुङ लगायत अन्य प्रहरी अधिकृतहरु
नव निर्देशक प्र.ना.म.नि. हरिभक्त प्रजापतिज्यु कार्य कक्ष तर्फ प्रस्थान गर्नु हुदै
जु.प्र.अ. शिक्षालय निर्देशकको कार्यभार ग्रहण गर्नु हुदै प्र.ना.म.नि. हरिभक्त प्रजापति ज्यु (२०७६।०३।०६)

परिचय

          नेपाल राज्यको मध्य भागमा अवस्थित नं. ३ प्रदेश अन्तर्गत जिल्ला चितवन, भरतपुर महानगरपालिका वडा नं.१० बसेनि स्थित २७°४१’४१.२८” उत्तरी अक्षांश र ८४°२६’१६.८०” पुर्वी देशान्तरमा अवस्थित नेपालको एक मात्र जुनियर प्रहरी अधिकृत शिक्षालयको पूर्वमा भरतपुर बाईपास पक्की सडक, पश्चिममा देवकी नहर, उत्तरमा तीनखोले र दक्षिणमा बीरेन्द्र वहुमुखी क्याम्पस रहेको जग्गाको चार किल्लाभित्र कूल क्षेत्रफल ३० विगाहा जमिनमा यस शिक्षालय रहेको छ ।
          वि.सं.२०३१ सालमा काठमाण्डौं जिल्ला का.म.न.पा.वडा नं. २६ रानीबारी स्थित प्रचण्ड भवनको परिसरमा स्थापित मध्य क्षेत्रिय प्रहरी तालिम केन्द्रलाई वि.सं. २०४५।०५।०८ गते यस स्थानमा स्थानान्तरण गरी प्रहरी जवान, प्रहरी हवल्दार र जुनियर प्रहरी अधिकृतहरुको आधारभुत तथा सेवाकालिन प्रशिक्षणहरु संचालन हुँदै आएकोमा सो तालिम केन्द्रलाई सिन्धुली जिल्लाको दुधौलीमा स्थानान्तरण गरी मिति २०७१।०६।१० गते प्रहरी नियमावली, २०७१ को परिच्छेद- १३, नियम १५१ को उपनियम (३) मा भएको व्यवस्था बमोजिम नेपाल सरकारको सचिव स्तरीय निर्णयबाट मिति २०७१ साल मंसिर २१ गते आईतवारका दिन यस जुनियर प्रहरी अधिकृत शिक्षालयको विधिवत् स्थापना भएको हो ।
          विशेष गरी संगठनमा नव प्रवेसी जुनियर प्रहरी अधिकृत (जु.प्र.अ.) तहका प्रहरी अधिकृतहरुलाई आधारभूत र सेवाकलिन प्रशिक्षण प्रदान तथा नेपाल प्रहरीका अन्य प्रशिक्षण केन्द्रहरुमा यस शिक्षालयको तत्वाधानमा संचालन हुने यस्ता प्रकारका तालिमहरुको समन्वय, नियन्त्रण र निेर्देशन गर्ने समेतकाकार्यहरु गर्दै संगठनलाई आवश्यक दक्ष जनशक्ति उत्पादन गर्ने जिम्मेवारी यस शिक्षालयले उत्कृष्ठ ढंगले पूरा गर्दै आएको छ।      
          नेपाल सरकार तत्कालिन संघिय मामिला तथा स्थानिय विकास मन्त्रालयबाट पर्यावरणीय सुन्दरता  र वातावरणमैत्री कार्यालयको रुपमा मान्यता प्राप्त यस जुनियर प्रहरी अधिकृत शिक्षालयको कार्यालय प्रमुख प्रहरी नायव महानिरीक्षक निर्देशकको रुपमा रहने प्रावधान रहेको छ । शिक्षालयको स्थापित मान्यता “ ज्ञान, कर्म, कौशल ” लाई आत्मसात गर्दै नेपाल प्रहरीको जुनियर प्रहरी अधिकृतहरुमा समयानुकूल पेशागत ज्ञान, सीप र कलामा दक्ष बनाई शान्ति सुरक्षा कायम गर्ने कार्यमा नेपाल प्रहरीलाई राष्ट्रले सुम्पेको जिम्मेवारी कुशलतापूर्वक बहन गर्न यस शिक्षालयको महत्वपुर्ण भूमिका रहेको छ ।