History

       विक्रम सम्वत २०३१ सालमा काठमाण्डौको महाराजगञ्ज रानिवारी स्थित हाल महानगरीय सशस्त्र  प्रहरी गण नं. २ रहेको प्रचण्ड भवनमा मध्य क्षेत्रिय प्रहरी तालिम केन्द्र को रुपमा स्थापना भएको थियो । नेपाल प्रहरीको आधारभूत मानवश्रोत विकासमा क्रियाशिल रहेको मध्य क्षेत्रिय प्रहरी तालिम केन्द्र वि.सं. २०४५ साल भाद्र ०८ गते देखि साविक चितवन जिल्लाको भरतपुर महानगरपालिका वडा नं. ११, बसेनीमा स्थानान्तरण भएकोमा उक्त तालिमकेन्द्र हाल सिन्धुली जिल्लाको दुधौलीमा पुनः स्थानान्तरण गरिएपछि सोही भौतिक संरचनामा यस जुनियर प्रहरी अधिकृत शिक्षालयको स्थापना गरिएको हो ।

 पुर्वमा भरतपुर वाईपास पक्की सडक, पश्चिममा देउकी नहर, उत्तरमा तीनखोले र दक्षिणमा विरेन्द्र बहुमुखी क्याम्पसको जग्गा यति चार किल्ला भित्र अवस्थित यस शिक्षालयको कुल क्षे्त्रफल ३० विगाहा रहेको छ । प्रहरी सेवालाई विशिष्टीकृत गर्दै लैजाने र जुनियर प्रहरी अधिकृत दर्जाका प्रहरी कर्मचारीहरुमा समय सापेक्ष व्यवसायिक दक्षता अभिवृद्धि गर्न एउटा विशिष्ट प्रशिक्षण केन्द्र स्थापना गर्ने नेपाल प्रहरीको उद्देश्य बमोजिम नेपाल सरकार, गृह मन्त्रालयवाट मिति २०७१ कार्तिक १० गते स्वीकृती भए बमोजिम मिति २०७१ मंसीर २१ गते तत्कालिन प्रहरी महानिरीक्षक श्री उपेन्द्र कान्त अर्यालज्यूवाट समुदघाटन भई स्थापना भएको यस जुनियर प्रहरी अधिकृत शिक्षालयले सांगठनिक नीति बमोजिम जुनियर प्रहरी अधिकृतहरुका लागि  आधारभूत तथा उन्नत तालिम कार्यक्रम संचालन गर्दै आएको छ ।

 

यस शिक्षालयका पुर्व निर्देशकज्युहरु

प्रहरी वरिष्ठ उपरीक्षक रमेश प्रसाद खरेल
२०७१।०८।२१ - २०७२।११।०४

प्रहरी नायव महानिरीक्षक रण बहादुर चन्द
२०७२।११।१० - २०७४।०४।१८

प्रहरी नायव महानिरीक्षक केदारमान सिंह भण्डारी
२०७४।०५।१४ - २०७४।१२।२८

प्रहरी नायव महानिरीक्षक महेन्द्र कुमार पोखरेल
२०७५।०२।०९ - २०७६।०३।०४